Біз 50-ші түлектерміз!

Біздер Меркі ауданындағы жарты ғасырлық тарихы бар №44 жалпы орта білім беретін мектебінің 50-ші түлектеріміз. Осы киелі білім ордасында 11 жыл білім нәрімен сусындап, өмірдегі қуанышы мол ең қызықты шақпен қоштасып, үлкен өмірге қадам бастық.
Мектеп директоры Коңқабаев Ниетқали Әбдімомынұлының зыр жүгіруімен, аудан әкімдігінің күшімен мектеп күрделі жөндеуден өткізіліп, биыл қайтадан пайдалануға берілді. Биылғы түлектер жаңарған әсем, заманауи жабдықтармен қамтылған білім ордасынан болашаққа қанат қағып, арманымыз алға сүйреп түлеп ұшқалы отырмыз.
Ең алғаш мектеп табалдырығын аттағанда бастауыш сынып мұғалімі Ғалия Исмаилова апай қолымызға әліппе ұстатып, әріптерді танытып, жазуды үйреткен еді. Міне, осылайша білім деген таңғажайып терең әлемге сүңгіп, оқу инемен құдық қазғандай екенін жан -тәнімізбен түсіндік. Жан-жақты, талғампаз, талапшыл, еңбекқор, өз ісінің білгір маманы Серікқызы Ғалия апайымызға шексіз ризашылығымызды білдіреміз.
11 жыл бойы біздерге терең білім мен саналы тәрбие беріп, тынымсыз еңбек етіп, үнемі ізденіс үстінде жүрген ұлағатты ұстаздарымызға алғысымыз зор. Директордың оқу ісі жөніндегі орынбасарлары Тоқтар Жақсымбетов, Ғалия Аликулова, Ұлбосын Наушабае-
ва, директордың тәрбие ісі жөніндегі орынбасары Гүлзия Даулетова, құқықтық тәрбие ісі жөніндегі орынбасары Дина Андреева мен ұжымдағы барлық ұстаздарымызға алғыс білдіріп, білім саласындағы қиын да қажырлы еңбектеріне табыс тілейміз.
Сынып жетекшіміз болған қазақ тілі пәнінің мұғалімі Арайлым Ермаханқызы Қалқабаева мен Гүлайым Қайратқызы Абилдаева апайларымыз біздердің ақылшы қамқоршымыз, сырласымыз болып, жөн сілтеп, бағыт — бағдар беріп, мамандық таңдауымызға да көп көмегін тигізді.
Ұстаздарымның өлшеусіз еңбегінің арқасында биылғы ұлттық бірыңғай тес-
тілеуден 120 балл жинап, қуанышым еселеніп, сүйікті мектебімнің мерейтойына тарту болып отыр. Осындай биік белестен көрінуіме мектеп директоры Ниетқали Әбдімомынұлы, қазақ тілі пәнінің мұғалімі Бақыт Надырбаева, тарих пәнінің мұғалімі Раушан Сатова, математик Айгүл Сейтжапарова сынды ұстаздарым ықпал етті. Сіздердің сенімдеріңізді ақтап, қалаған мамандық иесі болып, адал еңбегіммен тәуелсіз елімнің дамуына өз үлесімді қосып, елімнің мақтанышы болуға тырысамын. Қайда жүрсек те ұстаздарымызды, мектебімізді, туған жерімізді жүрек түкпірінде сақтаймыз. Киелі білім ұясынан дарынды, қазақты әлемге танытатын түлектер қанат қағып ұша берсін дегім келеді.

Қарақат Болат,
№44 ЖОББМ 11 «Б» сынып түлегі