«Жаңа Қазақстан — жарқын болашақ» атты аудандық пікірсайыс турнирі

Меркі аудандық білім бөлімінің қосымша білім беру мекемесі Оқушылар «Үміт» сарайында Меркі ауданының білім бөлімінің ұйымдастыруымен «Жаңа Қазақстан — жарқын Болашақ» атты оқушылар арасындағы аудандық пікірсайыс турнирі өтті. Бұл шараның мақсаты аудан мектептерінің арасында пікірсайыс қозғалысын дамыту, оқушыларды алдағы болатын үлкен пікірсайыс турнирлеріне тәжірибе жинауына үлес қосу, оқушыларды саяси өмірге дағдыландыру.
Аудандық пікірсайыс турнирі екі іріктеу кезеңін қамтыды. Бірінші іріктеу кезеңі 2023 жылдың 25 қаңтарында өтті. Турнирге №6 ЖОББМ, №8 ЖОББМ, Ә.Хасенов атындағы №11 ЖОББМ, №16 ЖОББМ, А.Қосанұлы атындағы №18 ЖОББТМ, Сыпатай Әлібекұлы атындағы №19 ЖОББМ, №23 Тескентоған ЖОББМ, №34 ЖОББМ, №48 ЖОББ мектептер қатысты.
Екінші іріктеу кезеңі 2023 жылдың 26 қаңтарда №2 Аспара ЖОББМ, Асанбай Асқаров атындағы ЖОББМГ, №4 Тілеміс батыр ЖОББМ, №5 Ақарал ЖОББМГ, Мұхтар Әуезов атындағы ЖОББМЛ, Мақсұт Жылысбаев атындағы №14 ЖОББМ, Иван Трубицын атындағы №17 ЖОББМГ, Тұрар Рысқұлов атындағы №20 ЖОББМ, №21 ЖОББМ, №33 ЖОББМ, №35 ЖОББМ Темірбек Қожакеев атындағы №39 ЖОББМГ-ның оқушыларының қатысуымен өткізілді.
Екі іріктеу кезеңінің қорытындысы, төрешілердің шешімі бойынша №48 ЖОББМ, Темірбек Қожакеев атындағы №39 ЖОББМГ, Мақсұт Жылысбаев атындағы №14 ЖОББМ, Мұхтар Әуезов атындағы жалпы орта білім беретін мектеп-лицейі финалға жолдама алды. Сонымен бірге 1/8 іріктеу кезеңіне өтіп, спикерлік ұпайлары жоғары мектептердің фракциялары «Үздік талпыныс», «Үздік кейс», «Үздік оратор», «Үздік аналитик», «Ең үздік спикер» және «Үздік спикер» номинацияларына ұсынылды.
8-11 сынып аралығындағы мектеп оқушылары дебаттық турнирге қатысып, өздеріне берілген позициясын қорғап, жеке қөзқарастарын дәлелдей білді. Әр тақырыптар бойынша оқушылар өздерінің ойларын жетік және еркін екенін көрсете білді.
Аудандық турнирдің қорытындысы бойынша төмендегі мектептер марапатталды.
І орын: №48 ЖОББМ-нің «НАТО» фракциясы, ІІ орын: Мақсұт Жылысбаев атындағы №14 ЖОББМ-нің «Эверест» фракциясы, ІІІ орын: Мұхтар Әуезов атындағы ЖОББМЛ-нің «Көк ту» фракциясы мен Темірбек Қожакеев атындағы №39 ЖОББМГ-ның «Көшбасшы» фракциясы иеленді.
«Үздік аналитик» номинациясын Сыпатай Әлібекұлы атындағы №19 ЖОББМ, «Үздік кейс» номинациясын №23 Тескентоған ЖОББМ, «Үздік талпыныс» Иван Трубицын атындағы №17 ЖОББМГ, «Үздік оратор» номинациясын №4 Тілеміс батыр ЖОББМ, «Ең үздік спикер» номинациясын №5 Ақарал ЖОББМГ, «Үздік спикер» номинациясы бойынша №11 Әмеди Хасенов атындағы ЖОББМ-нің спикерлері иеленді.

Ә.Боранқұлова,
Журналист,
Меркі ауданы