Салт дәстүрім — сарқылмас қазынам

Меркі аудандық білім бөлімінің қосымша білім беру мекемесі оқушылар «Үміт»сарайында «Салт дәстүрім — сарқылмас қазынам» атты аудан мектептерінің арасында аудандық байқау болып өтті.
Алғыс айту күнінен бастау алып, көркем мереке 8 наурыз және Ұлыстың Ұлы күнімен жалғасын тапқан Наурыз айы -мерекелі ай. Наурыз бақыттың бастамасы, жақсылықтың жаршысы, өмірге нұр сыйлаған, сезімге гүл сыйлаған, халық қастерлейтін күн.
Дәл осы мереке қарсаңында қазақ халқының салт — дәстүрлері мен әдет -ғұрпының тәрбиелік мәнін ұғындыру — баланың бойына адамгершілік қасиеттерді қалыптастыру, рухани байлығын игеру, ұлттық дәстүрлерден үлгі алуға баулу.
Ұлыстың Ұлы күніне орай ұйымдастырылған байқау, таныстыру, салт -дәстүр тәрбиенің негізі, өнерліге өріс кең, ас — адамның арқауы сияқты кезеңдерден тұрды.
Байқауға 16 мектеп түлектері қатысып, озып шыққандар қазылар алқасының арнайы дипломдармен марапатталды.

Әсем Әділбаева,
Штаттан тыс тілші