СӘТ САПАР, ЖАС ТҮЛЕК!

№39 Темірбек Қожакеев атындағы жалпы білім беретін мектеп гимназиясын  биыл 61 оқушы бітірсе, оның алтауы Алтын белгі иегерлері. Мектеп директоры Асипат Асанқызы жыл бойғы жетістіктерге тоқталып, түлектерге аттестаттарын табыс етті. Кеш барысында мектеп түлектері ұстаздарына алғыстарын білдіріп, әннен шашу шашты. Карантин талаптарына сай 30 адамнан аспайтын кішігірім салтанатты жиында тек түлектер, ұстаздар ғана қатысты.

Мектеп бітіруші түлектер ізбасарларына аманат  кілтін салтанатты түрде табыс етіп, оларға үздік шәкірт болуларына тілектестіктерін білдірді.

Бұл мектеп республика аумағындағы 100 үздік мектеп қатарында екенін мақтан тұтамыз.

Сәт сапар,  жас түлектер!

Ләззат Серікбай,

Еркін Жасыбаев