Кәсіпқой бокс Ағайынды Ашкееевтер! Жарайсыңдар!

0
1319

Өткен аптада аудан әкімдігініің кіші залында, аудан әкімі Мейірхан Өмірбек салтанатты түрде, Меркі өңірінің, №17 балалар мен жасөспірімдер спорт мектебінің түлектері, боксшылар, ағайынды Мадияр мен Бийбарс Ашкеевтерді қабылдады.
Қабылдауға ауданның спорт сүйер жанкүйерлері, ардагерлер, жас спортшылар, бокшсшылардың жаттықтырушылары т.б. басқа да көптеген тілеулестер жиналды.
Құттықтау сөз сөйййлеген Мейірхан Азатұлы күні кеше ғана, атап айтқанда 5-шілде күні Алматы қаласындағы Балуан ШОлақ атамыздың атындағы спорт сарайында 7 раундта украиналық боксшы Игорь Фаниянды жеңіп, NBA белбеуі мен әлем чемпионы атағына ие болған, орта самақтағы кәсіпқой боксшыны ауданымыздың намысқой әкімі Меркі жұртшылығы атынан шынайы, риза көңілмен құттықтады. Сонымен қатар облыстық мәндегі «Облысқа сіңірген еңбегі үшін» медалін тапсырып, өңіріне қадады. Сол сияқты түрлі-түсті, кең форматты теледидар сыйлады!
Сонымен қатар Мадиярдың спорттық жолымен таныстырды.
Ашкеев Мадияр Рысбекұлы 1988 жылы 30 шілдеде Жамбыл облысы, Меркі ауданында дүниеге келген. №17 балалар жасөспірімдер спорт мектебінің түлегі. Ол  13 жасынан бастап бокспен шұғылданған.

  • 2004 жылы Вьетнам мемлекетінде жасөспірімдер арасында Азия чемпионатының жүлдегері;
  • 2013-2014 жылы Астана Арлан клубында өнер көрсеткен;
  • 2014 жылы Қазақстан чемпионатыныыың қола жүлдегері;
  • 2014 жылы М.Ашкеевке Нью-Йорктен fight Promotions-тен АҚШ-та кәсіби мансабын бастауға шақыру келіп түсіп. Дебюттік жекпе-жекті қазақстандық 2015 жылдыңь12 желтоқсанда Калифорнияда афроамериккалық Тэворус Тигке қарсы өткізіп, қарсылас бәсекені жалғастырудан бас тартуына байланысты жеңіске жетті. Қазіргі таңда кәсіби рингте 13 рет жеңіске жеткен;
  • Бүкіләлемдік бокс сериясының (WSB) қола жүлдегері;
  • 2019жылдың 23 мамыр күні АҚШ-та өткен американдық боксшы Сессил Макалламен 10 раунд бокстасып, солтүстік америка чемпионы NABF белбеуінің иегері атанды.

Сөзін одан әрі жалғастырған аудан басшысы, меркіліктер бір емес екі Ашкеевтерді, нақтылай айтқанда 18 жастағы биыл ғана 2-7 шілде аралығында Германияның Франкфурд қаласында өткен Бранденбург кубогі чемпионатында бірінші орын алған, Мадиярдың бауыры, Бийбарс Ашкеевті де, оның жаттықтырушылары Ғани Ашкеев пен Фамиль Алиевтерді де құттықтады.

  • Жалпы, – деді Мейірхан Азатұлы. – Екі спортшы да шыңдалудан өткен №17 спорт мектебінде 430-ға жуық балғын спортшылар бокспен айналысады. Бұл мектептің балауса боксшылары биылғы жылдың алты айында, әртүрлі жарыстардан 130 медальді өңірлеріне тағып келіпті. Ал жаттықтырушылар арасында Фамильдің шәкірттері жалпы 107 әр категориядағы медальдарға ие екен.

Бийбарс Ашкеев те болашағынан үлкен үміт күттіретін боксшы. Сәті келгенде оның да спорттық аренада жеткен жетістіктермен таныстыра кеткенді жөн көрдік.
Жексен Бийбарс Ғайниұлы 2001 жылы 28 сәуірде Жамбыл облысы, Меркі ауданында дүниеге келген. 2016 жылы Наурыз айында Орал қаласында бокстан жасөспірімдер арасында Қазақстан Республикасының чемпионатында 3 кездесу өткізіп Қазақстан Республикасының чемпионы атанды. Осы жарыста бокстан спорт шебері нормативін орындап, спорт шебері атағын алды.

  • 2016 жылдың қаңтар айынында Өскемен қаласында Шығыс Қазақстан облыс әкімінің жүлдесіне арналған халықаралық жарыстың жеңімпазы;
  • 2017 жылдың 22-28 қаңтар аралығында Ақтау қаласында жасөспірімдер арасында Қазақстан Республикасының чемпионатында I-орын алған.
  • 2017 жылдың 26-31 наурыз аралығнда Грузия мелекеті Тбилиси қаласында өткен Грузия бокс федерациясының кубогы үшін өткен II-халықаралық турнирде I-орын жүлдегері;
  • 2017 жылдың 7-12 мамыр күндері аралығында Шымкент қаласында Сидней Олимпиадасының күміс жүлдегері, ОҚО-ның құрметті азаматы М.Дильдабековтың жүлдесіне арналған халықаралық турнирде I-орын бас жеңімпазы;
  • 2017 жылдың 9-16 маусым күндері Азербайжан мемлкетінің тұңғыш президенті Гейдар Алиевті еске алуға арналған 14 халықаралық жарысында III-орын алған;
  • 2017 жылы 5-7 шілде аралығында Ресей мемлекеті Саха Республикасы Якутск қаласында Азия балалары Халықаралық спорт ойындарында II-орынды иеленген;
  • 2107 жылдың 1-7 тамыз күндері аралығында Филиппин Мемлекеті Пуэрто Принцесса қаласында жасөспірімдер арасында Азия чемпионатында I-орынға көтерілген;
  • 2019 жылдың ақпан айында жастар арасында Шымкент қаласында Қазақстан Республикасы чемпионатында I-орын;
  • 2019 жылдың мамыр айында өткен Оңтүстік Қазақстан облысында Қазақстанның еңбек сіңірген спорт шебері, аса ауыр салмақта Олимпиада ойындарының және әуесқой бокстан Әлем чемпионатының күміс жүлдегері, Парасат орденінің иегері Мұхтархан Қабыланбекұлы Ділдәбековтың жүлдесіне арналған халықаралық турнирінде I-орын;
  • 2019 жылы 10-16 маусым күндері аралығында Венгрия мемлекеті Эгер қаласында өткен бокстан 69-шы халықаралық турнирінде 22 мемлекеттің арасында 56 кг салмақта III-орын;
  • 2019 жылы 2-7 шілде аралығында Германия мемлекетінде Франкфурд қаласында өткен 2019 жылғы Бранденбург кубогы чемпионатында I-орын;

Салтанатты қабылдауда сөз сөйлеген аудандық ардагерлер кеңесінің төрағасы Қамбарбек Иманалиев те, аудандық қоғамдық кеңестің төрағасы Серік Құралбай да қос саңлаққа бұдан да жоғары табыстарға жете берулеріне, еліміздің көк байрағын желбірете биікке көтере берулеріне, меркілік олимпиада чемпиондарын да осылай ыстық құшаққа алып құттықтай беруге аллаһ тағала жаза берзін деген изгі тілектерін жеткізді.
Басқосуда жаттықтырушылар, жанкүйерлер де, қос қыранның достары да игі, ақ тілектерін жолдады.
Салтанатты қабылдауға жиналғандар естелік суретке түсті. Ал аудан әкімі маңдайы жарқыраған ағайынды қос боксшыны кеңірек сұхбат өткізіп, аудан жанкүйерлерімен жүздестіруді жобалап отырғанын қуана баяндады.

«Меркі Ақиқат»

Comments are closed.