Бала еңбегін қанауға қарсы

Меркі ауданы, Тұрар Рысқұлов атындағы №20 жалпы білім беретін мектебі бойынша Меркі ауданы әкімдігінің білім бөлімі, Қазақстан Республикасы Білім және ғылым министірлігінің 2021 жылғы 18 мамырдағы №3-15-3/1858-И хатыны сәйкес, 2021 жылындың 1-12 маусымы аралығында, бала еңбегін пайдалану проблемасына қоғамның назарын аудару мақсатында «Бала еңбегін пайдалануға жол жоқ!» ұранымен «Бала еңбегін пайдалануға қарсы 12 күн» Ұлттық ақпараттық науқаны ұйымдастырылды. Аталған науқанға мектеп білім алушылары, мемлекеттік органдар, ата-аналар қауымдастығы, бизнес құрылымдары, үкіметтік емес ұйымдар, құқық қорғау органдары, бұқаралық ақпараттық құралдарының өкілдері және т.б. қатысты.

Мүдделі органдарға, ұйымдарға «Бала еңбегін пайдалануға қарсы 12 күн» ҰАН өткізу жөнінде ақпараттық хат әзірленіп, жолданды. 1-7 сынып жетекшілерінің ұйымдастыруымен «Біз –Қазақстан балаларымыз! Біз жаңа әлемде өмір сүреміз!» тақырыбында суреттер, қабырға газеттер байқауы өткізіліп, жеңімпаз оқушылар марапатталды. 5-7 сынып жетекшілері «Бала еңбегін пайдалану тоқтатылсын!» тақырыбында тәрбие сағаттарын өткізді. Директордың құқықтық тәрбие ісі жөніндегі орынбасары А. Оланбекованың ұйымдастыруымен «Бала еңбегін пайдалануға қарсы 12 күн» тақырыбында құқық қорғау органдарының қатысуымен дөңгелек үстел өткізілді. Мектептің әлеуметтік педагогтары «Баланың жастайынан еңбекке араласуына отбасының әлеуметтік жағдайы әсер ете ме?» тақырыбында түсіндіру жұмыстарын жүргізсе, мектеп психологтары 1-7 сыныптар арасында «Балалық шақ-балдаурен!» атты қызықты тренингтер ұйымдастырып, Instagram желісіне таратылды.

Науқан барысында оқушылардың қауіпсіздігін қамтамасыз ету барысында мектеп әкімшілігі және «Меркі ауданы Ойтал ауылдық округі әкімінің аппараты» КММ-ның бас маманы қаржы агенті Рысбек Даурен Бекетұлының қатысуымен Ойтал ауылдық округінде орналасқан «Қант зауыты» маңайындағы шомылуға рұқсат етілмеген жерлерге күндізгі рейд жасалынып, түсіндіру жұмыстары жүргізілді.

Балалар еңбегі мәселесі ортаға салынып, талқыланып, бір айтқаннан шешілетін мәселе емес. Кәмелеттік жасқа толмаған баланың жұмыс істеп кетуін болдырмас үшін, алдымен, барлығын ата-анадан бастау қажет. Ашып айтқанда, әке мен анаға заң бойынша және ата-ананың міндеттері тұрғысынан түсінік жұмыстары жүргізіліп, психологиялық сабақтар көптеп өткізілуі тиіс деп санаймын.
Балаларымыздың сабақ оқудың орнына санасына салмақ, беліне ауырлық түсіруінен сақтайық!

Асель Оңланбекова,
Тұрар Рысқұлов атындағы №20 ЖББМ директордың құқықтық тәрбие ісі жөніндегі орынбасары