Мемлекеттік қызмет сапасына қатысты шағымды Telegram арқылы жолдауға болады

Мемлекеттік қызмет алу барысында азаматтардың құқықтары бұзылса немесе көрсетілетін қызметтің сапасына қатысты мәселе туындаса, шағымды Telegram мессенджері арқылы жолдауға болады, деп хабарлайды baq-orda.kz.

Ол үшін Telegram-дағы «Egovkzbot2.0» сервисін пайдалануға мүмкіндік бар. Бұл арна арқылы мемлекеттік қызмет көрсету барысында туындаған мәселелер туралы ақпарат беріп, тиісті шағымды жолдауға болады.

Азаматтардың құқықтары мен заңды мүдделерін қорғау, сондай-ақ мемлекеттік қызмет көрсету сапасын арттыру – маңызды бағыттардың бірі.

Мемлекеттік қызмет алу кезінде қиындық туындаған жағдайда азаматтар өз құқықтарын қорғау тетіктерін пайдаланып, мәселе туралы тиісті органдарға хабарлай алады.