Халықтың ұлы перзенті

Белгілі мемлекет және қоғам қайраткері алаштың біртуар азаматы А.Асқаровтың туғанына қыркүйек айының 15 жұлдызында 99 жыл толды. «Халықтың ұлы перзенті» атты кітап көрмесі осындай тақырыппен Меркі ауылдық округіне қарасты ауылдық балалар кітапханасында әдіскер Д.Аимбекованың ұйымдастыруымен өтті.

Кітап көрмесіне кітапхана оқырмандары және мектеп оқушылары қатысты. Әдіскер Д.Аимбекова А.Асқаровтың өмір жолын оқырмандар мен мектеп оқушыларына насихаттап, А.Асқаровтың көптеген кітаптарымен таныстырып өтті. Ш.Мамасерікова апамыздың өлең шумақтары да мәнерлеп оқылды.
Жалпы А.Асқаровтың көптеген кітаптары кітап көрмесіне қойылды. Әр кітапқа қысқаша шолу жасалынды. Кітап көрмесіне «Тараз» Жамбыл обл.энциклопедиясы, «Халық перзенті» А.Асқаров туралы естеліктер, Ж.Сәтібекұлының «Асқаровтың соты» атты кітабы, А.Асқаровтың «Тағдыр» атты кітабы және мерзімді басылымдар бетіне жарық көрген мақалалар жинағы қойылған.Осы іс-шараның куәгері болған оқырмандар мен оқушылар кітапхана қызметкерлеріне әдіскері Д.Аимбековаға рақмет айтып, істеріне сәттілік тіледік.

Ақтөре Бектұрғанов,
Ойтал ауылының тұрғыны, жас ақын