Біз спортпен біргеміз!

Меркі ауданы Оқушылар  «Үміт» сарайында аудан мектептерінің жасұландықтар арасында  «Біз спортпен біргеміз!» атты спорттық би байқауы  болып өтті

Бұл байқаудың  мақсаты: салауатты өмір салтын қалыптастыру, оқушылардың денсаулығын нығайту, спортқа деген қызығушылығын арттыру және би мен спортты үйлестіре білу, әрі ұжымдаса  іс атқаруға бейімдеу.Байқауға  аудан мектептерінің 7-8 сынып оқушылары  қатысты. Барлығы 20 мектептен би топтары келді. Би топтарының құрамы  8-15 оқушыдан, ұл-қыздардан құралды.Байқауға  әр мектеп командалары  спортқа қатысты лозунгтар мен плакаттар әзірлеп келді. Би спорт тақырыбына қатысты әндерден поппури ойналды. Бұл байқауға Оқушылар «Үміт» сарайының хореографы Ж.Омиралиева, директорының тәрбие  ісі жөніндегі  орынбасары Г.Ниязбекова, «Жас Ұлан» балалар  ұйымының жұмысын ұйымдастырушысы  М.Турекулова қазылық етті. Бидің құрылымы, байқау тақырыбының ашылуы, би мен музыканың сәйкестігі, бірыңғай спорттық киім үлгісі болуы ескерілді.Байқауға келген оқушылар  тобы бірі қып-қызыл футболка, ақ кепка, бірі көк, бірі сары, бірі жасыл киініп, байқау талаптарының  орындалуына баса көңіл  бөлгендіктерін көрсетті.Бірінен бірі өткен музыкаға сай спорттық обручпен, жалаушалармен билеп, би мазмұнын аша түсті.Байқау қорытындысы бойынша қатысқан 20 мектептен, 1 орын  екі мектепке №9 ЖББМЛ «The Best» және №7 ЖББМ «Жалын» тобына, 2 орын №44 ЖББМ «Tronbtes» тобына, 3 орын №28 ЖББМ «Жалын», №12 ЖББМ «Жұлдыз-ай», №8 ЖББМ «Сұңқар» тобына берілді.Барлығы алғыс хаттармен марапатталды.

Бейсенбаева Зәуре Төребекқызы, Меркі ауданы Оқушылар «Үміт»  сарайының директоры