ҮМІТТІКТЕРДІҢ ҮМІТІ АҚТАЛУДА

Оқушылар «Үміт» сарайының ұжымы биылғы оқу жылын үлкен табыстармен аяқтады.

Барлығы 68 байқауға қатысып, оның ішінде 30 халықаралық, 18 республикалық, 20 облыстық байқаудан, 24 бас жүлде, 20- 1 орын, 7- 2 орын, 12- 3 орын иеленді. Биылғы жылы Ұлы ақын Абайдың 175 жылдық мерейтойына арнап бірнеше іс-шара өткізілді. Атап айтқанда, аудан мектептері арасында «Өлең сөздің патшасы, сөз сарасы» атты байқау қашықтықтан өткізілді. Сол сияқты, «Отбасы- өмір аясы» атты байқау болып өтті. «Спорт сүйер отбасымыз» видеороликтері сарапқа салынды. Аудандық Оқушылар «Үміт» сарайы, директорының тәрбие ісі жөніндегі орынбасары Ниязбекова Гүлчира ұстаздар мен жасөспірімдерге арналған қашықтықтан өткізілген Халықаралық «Жұлдыздар нұрын шашқанда» атты өнер байқауына қатысып, бас жүлдеге ие болды.Шәкірті Әлімқұл Нұрайлым да бас жүлдеге ие болды. «Зерде» үйірмесінің жетекшісі, педагог Ахметжанова Гүлмира да өз шәкірттерімен «Үздік жетекші» атағын жеңіп алды. Осы байқауда «Асыл мұра» үйірмесінің жетекшісі Утебаева Айнур алғыс хатпен марапатталды. Сонымен қатар «Үміт» сарайының «Қазына» дәстүрлі ән және вокал сыныбының оқушысы Бақтиярұлы Бекболат «Жұлдыздар  нұрын шашқанда» атты республикалық телевизиялық мега жобасына түсіп, ән шырқады. Жобаның жоғары деңгейде өтуіне үлес қосып, елеулі еңбек еткені үшін, жетекшісі Г.Ниязбекова және Оқушылар «Үміт сарайының директоры З.Бейсенбаева алғыс хатпен марапатталды. «Жібек Жолы» би үйірмесінің бишісі, вокал үйірмесінің әншісі, Меркібек Мейірім Абайдың «Ғылым таппай мақтанба» өлеңін мәнерлеп оқып, челлендж жолдады. Ал, «Әсем» көркемсурет студиясының оқушылары, Жетекшілері Д.Алпысбаеваның жетекшілігімен,  Жамбыл облыстық, «Сары жылан және орман қарақасы» атты жас суретшілердің байқауына қатысып, Сәрсен Альмира, Сулейменова Эллина, бас жүлде, Жұмабек Әлия, 1 орын, Шпиц Алина 2 орын иеленді. Дина Алпысбаева өз оқушыларын сурет салуға баулумен біре «Қызыл кітапқа» енген, өз облысымыздың аумағында мекендейтін сирек кездесетін жануарлар жайлы көп мағлұмат берген осындай байқауларға қатыстырды. Психолог Г.Көзейбай «Карантин кезінде күйзелістік жағдайдан сақтауға болатын практикалық кеңестер» тақырыбына психологиялық тренингтер өткізді. Міне, тағы бір оқу жылы аяқталды. Жылдағы дәстүр бойынша үміттіктер, жылды қорытындылап, «Таланттар шеруі» атты видеоролик жолдады. Роликтен жыл бойы өткізілген концерттік бағдарламалар, «Жібек Жолы» бишілерінің керемет билері, күміс көмей, балдырған әншілердің орындаған эстрадалық және дәстүрлі әндерін көре аламыз. Балалар композиторы Б.Бейсенованың әндерін орындау, аналар мерекесіне арналған концерті, «Аяла» театрының қойылымы, тағы басқа мерекелік кештерде шырқалған балдай тәтті әсем әндер мен мың бұралған билерді көре аламыз.

Ә.Боранқұлова,

Оқушылар «Үміт»

сарайының педагогы