Теңдессіз спорт кешені

Ия, тақырыптың өзі айтып тұрғандай аудан орталығында десе де болады, балалар мен жасөспірімдердің «Үміт» сарайының жанынан анша-мұнша аудандарда жоқ, спорт кешені санаулы күндерде спорт сүйер қауымға есігін айқара ашпақшы.
Теңдесі жоқ дегенде өткен жылы құрлысы басталған, сметалық жобалық құны 529 миллионды құрайтын спорт кешені үш залдан тұрады. Мұнда күрес залы, бокс залы және баскетбол, волейболмен айналысатын үлкен Зал ине-жіптен өтіп, дап-дайын тұр. Жалпы спорт кешенінің ішкі құрлысы толық бітті деуге болады. Енді спорт құрал-жабдықтары, жиһаздар өз орындарына қойылуда. Ал сыртқы көріктендіру, көгеріштендіру жұмыстары да қарқынды жүргізілуде.
Құрылысты жүргізіп жатқан «Агроспецстрой» жауапкершілігі шектеулі серіктестігінің осындағы құрылыс басшысы Кеңесбай Жүсіпбеков.-Кәзір құрылыс жұмысымен 60-тан аса маман қауырт айналысып жатыр. Әйдік кешенді бір ай бұрын пайдалануға бермекшіміз.
Төрт санузел, жуынатын, шайынатын душтар, мүмкіндігі шектеулі жандардың да мұқтажы ескерілген. Мұндай кешен облыс бойынша екі-ақ ауданда бар,-дейді.
Ия, қаптаған техника, қызу іске кірісіп жатқан құрылысшылар кешені теңдессіз болатынына сенім білдіреді.
Біз өз тарапымыздан аудан жұртшылығы үшін, халықтың денсаулығы үшін, спортшылардың ерен табыстарға жетуіне үлкен демеу, лайықты шеберхана болуы үшін жасалып жатқан үлкен қамқорлыққа тұрғындар атынан үлкен алғыс айтамыз.
Спортшыларымыздың «Алақай! Жаңа Спорт кешені» деп қалпақтарын аспанға ататын күн де алыс емес.

Ләззат Серікбай,
«Меркі Ақиқат»