Аудан әкімдігінде  Әлем чемпионы Мадияр Әшкеев пен Жастар арасында Азия чемпионы атанған, Қазақ елінің көк байрағын көкке көтерген Бийбарс Жексенмен кездесу өтті.

Кездесу кеште төрағалық еткен аудан әкімі Мейірхан Азатұлы:

Меркілік чемпиондар әлемді мойындатты

Дана халқымыз «Дені саудың- жаны сау» деп  бекер айтпаған. Спорттың қай түрімен айналысу адамдың өз қабілетіне, таңдауына байланысты. Ауданымызда спорттық жарыстардан биік шыңдардан көрініп, Еліміздің көк байрағын Әлем аренасында  желбіретін жүрген азаматтар қатары жылдан жылға артып келеді. Бүгін арамызда сонау Америка Құрама штаттарынан үлкен жеңіспен оралған жерлес, бауырымыз, меркілік Мадияр Әшкеев пен Жастар арасында Азия чемпионы атанып, Қазақстанның атын әлемге тағы танытып, абыроймен оралған спортшымыз Бийбарс Жексен келіп отыр деп бастап, ортаға чемпиондарды шақырып, құттықтап, сый-сияпаттарын табыс етті. Өз кезегінде Әлемдік аренаны мойындатқан спортшылар сөз сөйлеп, алғыстарын білдірді.

Ашкеев Мадияр Рысбекұлы 1988 жылы 30 шілдеде Жамбыл облысы,                         Меркі ауданында дүниеге келген. Ұлты қазақ, білімі жоғары.                             Бокстан №17 балалар жасөспірімдер спорт мектебінің түлегі. Ол                 13 жасынан бастап бокспен шұғылданған.

2019 жылдың 23 мамыр күні АҚШ-та өткен американдық боксшы Сессил Макалламен 10 раунд бокстасып, сол түстік америка чемпионы    NAВF белбеуінің иегері атанды.

         -2019 жылдың 5 шілде күні Алматы қаласында өткен Украиналық боксшы Игорь Фаниянды 7 раундта жеңіп, NВA белбеуінің иегері Әлем чемпионы атағына ие болды. Бірінші орта салмақтағы кәсіби боксшы. 9- қараша күні Калифорнияда  Родольфо Мартинесті  жеңіп, 14 –ші жеңісіне жетіп,  «Ви-Би-Си» версиясы бойынша бокстан Әлем чемпионы атанды.  Осы жеңістерімен тек Жамбыл облысының емес, бүкіл Қазақ елінің абыройын асқақтатып, Көк туымызды көкте желбіретті.

Бийбарс Жексен 2001 жылы 28 сәуірде Жамбыл облысы,              Меркі ауданында дүниеге келген.  Ұлты қазақ. 2016 жылы Наурыз айында Орал қаласында бокстан жасөспірімдер арасында Қазақстан Республикасының чемпионатында 3 кездесу өткізіп, Қазақстан Республикасының чемпионы атанды. Осы жарыста бокстан спорт шебері нормативін орындап, спорт шебері атағын алды. Бұдан соң ол Шымкент қаласында өткен Қазақстан Республикасының чемпионатында 1-орынды иеленіп, Қазақстан чемпионы атанса, дәл осы жылы   2-7 шілде аралығында Германияның Франкфурд қаласында Бранденбург кубогын жеңіп алды. Жақында ғана 7-18 қараша күндері  Моңғолияда өткен  16 мемлекеттен 200-ге жуық спортшы қатысқан Азия чемпионатында  1-орынды жеңіп алып, Жастар арасында Азия чемпионы және «Үздік Азия боксшысы» атағына ие болған.

Кездесу барысында спорт ардагерлері Қазақстанға еңбегі сіңген жаттықтырушысы, Қазақстанның Құрметті спорт қайраткері, Жамбыл облысының құрметті спорт ардагері –  Құдайберген Жантаев пен кезегі  қазақ күресінен спорт шебері,  еркін күрестен спорт шеберлігіне үміткер, ардагер спортшы Әлжан Керімқұловтар сөз сөйлеп, аудан, облыс, Қазақстанның мақтанышы болған чемпиондарды құттықтап, алдағы жарыстарына сәттілік тіледі.

Сонымен қатар, аудандық ардагерлер кеңесінің төрағасы Қамбар Иманалиев пен аудандық қоғамдық кеңестің төрағасы Серік Құралбай аудандағы жас спортшыларға қолдау көрсетіп, спорт мектептерінің материалдық базасын күшейту керектігі туралы ой қозғады. Айта кетсек, ауданда алдағы жылы бір спорт мектебі демеушілік көмекпен, біреуі мемлекеттік-жекеменшік әріптестік және тағы біреуі облыстық бюджет қаражатынан соғылмақшы.

Аудан әкімі Мейірхан Өмірбек тиісті бөлім басшыларына  спорт мектептеріне қаражат қарастырып, оның көлемін ұлғайтуды тапсырды.

Ләззат Құралбаева, Меркі ауданы