КӘСІБИ МЕРЕКЕ ҚАРСАҢЫНДА “КҮНШУАҚ” МЕДИЦИНАЛЫҚ ОРТАЛЫҒЫНЫҢ ҰЖЫМЫНА ҚҰРМЕТ КӨРСЕТІЛДІ

Кәсіби мереке қарсаңында аудан әкімінің орынбасары Мейірхан Өмірбек «Күншуақ» медициналық орталығына арнайы барып, ұжым мүшелерін Медицина қызметкерлері күнімен құттықтады.
⠀
Кездесу барысында ол адам денсаулығын сақтаудағы дәрігерлер мен медицина қызметкерлерінің еңбегі әрдайым ерекше құрметке лайық екенін атап өтіп, ақ халатты абзал жандарға ізгі тілегін жеткізді.
⠀
Сондай-ақ денсаулық сақтау саласының дамуына қосқан үлесі мен қызметтік міндеттерін адал атқарып жүрген бірқатар қызметкерлерге аудан әкімінің Құрмет грамотасы және Алғыс хатын табыстады.
⠀
Сонымен қатар Мейірхан Өмірбек медициналық орталықтың жұмысымен танысып, ұжыммен пікір алмасты. Ол халыққа сапалы медициналық қызмет көрсету жолында еңбек етіп жүрген мамандарға алғысын білдіріп, алдағы жұмыстарына табыс тіледі.