Ардагер ұстаздарға құрмет!

Меркі аудандық білім бөлімінің қосымша білім беру мекемесі Оқушылар»Үміт» сарайында Меркі аудандық білім бөлімінің ұйымдастыруымен Ұлыстың Ұлы күні Әз Наурыз мерекесіне орай «АРДАГЕР ҰСТАЗДАРҒА ҚҰРМЕТ» атты мерекелік шара болып өтті.
Кешті аудан әкімінің орынбасары Нұрсұлтан Нәрікбаев, аудандық білім бөлімінің басшысы Алтынбаева Әйгерім Аханқызы, білім қызметкерлерінің кәсіподағының төрайымы Асанжанова Мәдина Болысбекқызы құттықтау сөз сөйлеп ашты.
Оқушылар» Үміт сарайының өнерлі білім алушылары және қосымша білім беру педагогтары, аудандық Құрманбек Жандарбеков атындағы саз мектебінің домбырашылар ансамблі, «Жібек Жолы» би үйірмесінің бишілері, «Аяла» театр үйірмесінің жас әртістері өз өнерлерін ортаға салды.

Кешке ауданымыздың білім саласында қажырлы еңбек етіп, талай жылғы бейнетінің зейнетін көріп отырған — ардақты ардагер ұстаздар шақырылды.
Кеш барысында ардагер ұстаздар Б.Әлмейізова, Қ,Таттықұлова, Ш.Мамасерікова, Ж.Омарбеков, Ғ.Қажығалиева, Ф.Бейсебаевалар ақ тілегін айтып, батасын берді.
Ардагер ұстаздарға естелік сыйлықтар табысталып, ақ жаулықтар жабылып, алқызыл гүлшоқтары сыйға тартылды.
Ақ тілекпен, ақ дастархан басында Наурызкөже таратылды.
Ардагерлер аудандық білім бөлімінің басшысы Алтынбаева Әйгерім Аханқызы мен осындай керемет іс-шаралардың ұйытқысы болып жүрген Оқушылар «Үміт» сарайының директоры Зәуре Төребекқызы Бейсенбаеваға ақ баталарын берді. Кеш соңында естелік суретке түсіп, мерекелік көңіл-күйде тарқады.

Ә.Боранкулова,
журналист