«АлиСан» сан адамның алғысына бөленді

Денсаулық – біздің, адам баласының жалғыз ғана асыл дүниесі. Оны ақшаға сата да алмаймыз, сатып та ала алмаймыз. Себебі ақша байлық емес, ол қолдың кірі, ең басты байлық-денсаулық. Саулығымызды сақтамасақ, күтпесек, оны құртып алуымыз да мүмкін. Ал ауырып ем іздегеннен гөрі, ауырмайтын жол іздеу жеңілірек болары айтпасақ та түсінікті.

Денсаулық — табиғаттың ең қымбат сыйы. Күнделікті жұмыста жүргенде, еш жеріміз сыздамаса, сырқырамаса, жаныңызды мазаламаса, денсаулықтың қадірін біле бермейміз. Аздап ауырсақ, өзіміз білетін дәрі-дәрмектерді ішіп жазылып кетуге тырысамыз. Шынын айтқанда өз өзімізді емдеуден алшақ болып, білікті дәрігерлерге жүгінген дұрыс болар.
Осы орайда Халықаралық әйелдер мерекесі қарсаңында аудандағы сапалы қызмет берумен ерекшеленген, әрі өз істерінің мамандары шоғырланған «АлиСан» емдеу орталығы туралы айтқымыз келіп отыр.
2016 жылдан бері аудан тұрғындары үшін қызмет етіп келе жатқан емдеу орталығының директоры Умбеткулова Жұмагүл Өтегенқызы жұмыстың қыр-сыры туралы былай дейді.
– Біздің орталық көп жылдан бері қызмет етіп келеді. Негізінен дәрігерлердің көбі Тараз қаласынан қатынап, арнайы белгіленген күндері қабылдау жүргізеді. Бізде балалар және ересектер дәрігерлері де бар. Мәселен, балалар невропотологы Асқарова Жанар Нукисбековна таптырмас дәрігерлердің бірі. Бұл қызметкерімізге жазылу кестесі өте тығыз. Жұмыс өтілі мен білім-біліктілігі жоғары маман. Невропотолог Исраилова Динара Каримжанқызы емдеушілердің сүйікті дәрігері. Науқастарды өзіндік түсінетін қасиеті бар Динара дәрігер, жылулығы мен білімін ұштастыра отырып, әрбір келушінің көңілінен шыға білетін жан. Сонымен қатар бізде ортопед-травматолог, хирург Моторная Светлана Владимировна, УЗИ маманы Асланова Раида Сурадиновналар қызмет көрсетеді. УЗИ маманы Шу қаласынан келіп қабылдау жүргізеді. Ал Сайпил Серік алтын ине салатын алтын дәрігерімізді ауданда танымайтын жан жоқ болар. Ол Қытай елінде шығыс медицинасын оқып, өз ісінің қақ маманы бола білді. Жалпы тәжірибедегі дәрігер маман ретінде де диагнозды тура қойып, емдік шараларды дұрыс бере алатын ол сұранысқа ие маман.
Емдеу орталығымызда балалар және ересектерге массаж жасайтын Маржан Бақытжанқызы, Оксана Викторовна, Мадина Құдретова, Мария Бахадырқызы деген қыздарымыз бар. Олар дененің әрбір буынын, нүктесін тауып, жанға рахат, тәніңізге шипа жасайды.
Ия, мұнда кішіпейіл, жаны жайсаң ақ халатты абзал жандар еңбек етеді. Орталық ине-жіптен шыққандай жарқырап тұр. Алысқа ат шаптырмай-ақ дәрі-дәрмекті осындағы дәріханадан алуға болады. Бір сөзбен айтқанда емделушілерге барлық қолайлы жағдай жасалған.
– Жұмагүл Өтегенқызы, Сіздердің емдеу орталықтарыңызға ата-анамды алып келіп, көп ем алдық. Дертімізден айығып, шапқылап жұмысқа шығып кеттік. Ауырғанымызды тез ұмытып та кеттік. Әсіресе Сақыпжамал Аманкозиеваға алғысымыз шексіз. Дәл біздей әрбір отбасы келіп, дұрыс ем алғандығына сеніміміз мол. Сақып-жамал апай әркезде күліп қарсы алып, ем шараларын жасап беріп отырады. Орталықтың бас дәрігері Шормантаева Әсель Асқарқызына да аудан жұртшылығы атынан алғыс айтып, жұмыстарыңызға сәттілік тілейміз. Ұжым қыздарын Көктем мерекелерімен құттықтаймыз. Жаны жайсаң мейірбан жандардың өздеріне де денсаулық тілейміз!

Ләззат Серікбай
«Меркі Ақиқат»