«Аманат» партиясы есеп берді

Аудандық Мәдениет үйінде сәрсенбі, атап айтқанда 21-желтоқсан күні «AMANAT» партиясы Меркі аудандық филиалының атқарушы хатшысы К.Шағатаеваның төрағалығымен, партияның кезектен тыс ХХХVІІ конференциясы болып өтті. Оған 25 бастауыш партия ұйымдарынан 32 партия мүшесінен бір делегат сайлау квотасына сәйкес 120 делегат сайланып, конференцияға 87 делегат қатысты.
Конференцияда «AMANAT» партиясы Меркі аудандық филиалының 2022 жылы атқарған жұмыстары және 2023 жылда алда тұрған міндеттері туралы», сол сияқты «AMANAT» партиясының Меркі аудандық мәслихатындағы депутаттық фракциясының 2022 жылы атқарған жұмыстары туралы», «AMANAT» партиясы Жамбыл облыстық филиалының кезектен тыс ХХХ конференциясына делегаттар сайлау туралы» және «Партия қатарына жаңа мүшелер қабылдау туралы» мәселелер ұсынылып, ол делегаттар тарапынан дауыс беру жүйесі бойынша бекілтілді.

Күн тәртібіндегі бірінші, екінші мәселе бойынша партия филиалының хатшысы, депутаттық фракцияның төрайымы К.Шағатаева баяндамалар жасады. (Баяндама ықшамдалып берілді).
Құрметті делегаттар, -деді Күләйім Жекесенбіқызы:
– Бүгінде жалпыхалықтың құрметіне ие болған «AMANAT» партиясы осы жылдар-да – мемлекет басшысы Қ.К.Тоқаевтың сенімді серігіне, саяси тірегіне айналғаны уақыт ақиқаты.
Қазіргі таңда партия төрағасы Е.Қошанов төрағалық ететін «AMANAT» партиясы, қазақстандық көшбасшы партия ғана емес, жас Қазақ мемлекетінің даму барысына айрықша үлес қосып келе жатқан еліміздегі ең үлкен, ең беделді саяси ұйым.
Партия аудандық филиалында саяси кеңестің 19 мүшесі, саяси бюроның 7 мүшесі, 25 бастауыш партия ұйымы жұмыс жасайды. Есепте тұрған 4204 партия мүшесі бар. Олардың ішінде, жергілікті атқарушы органдар да 101 мүше, білім беру саласының қызметкерлері 1980, денсаулық сақтау саласының қызметкерлері 673, зейнеткерлер 287 адамнан тұрады.
Партия филиалы жанынан құрылған Партиялық бақылау комиссиясы, Мемлекеттік басқаруды дамыту және Сыбайлас жемқорлыққа қарсы іс-қимыл, Өңірлік даму және экологиялық мәселелер, Әлемеуметтік мәселелер, Жастарды қолдау жөніндегі 5 қоғамдық кеңес жұмыс жасайды.
«AMANAT» партиясының сайлауалды бағдарламасын іске асыру Жол картасы бойынша 2022 жылы 57 іс-шараны іске асыру жоспарланған, оның ішінде 31 іс-шара орындалды, 18 іс-шара іске асырылуда, 8 іс-шараның орындалмау қауіпі бар.
«Ардагерлерді ардақтайық» жобасы аясында 15 іс-шара, «Бақытты отбасы» жобасы аясында 7 іс-шара, «Кедергісіз келешек» жобасы аясында 14 іс-шара, «Ұлттық мұра» жобасы аясында 2 іс-шара өткізілді.
«Бақытты отбасы» жобасы аясында көпбалалы, тұрмыс жағдайы төмен отбасыларға, жалғыз басты аналарға әлеуметтік көмек бойынша азық түлік тауалары негізінде көмек көрсетілді. «Кедергісіз келешек» жобасы аясында қоғамдық қабылдаулар және- «Библио марафон» топтық жарыстар ұйымдастырылып, өткізілді. Сонымен қатар, бастауыш партия ұйымының қайтымды 20 пайыздық жарнасының есебінен түрлі іс-шаралар өткізілді.
Партияның Меркі аудандық филиалында қоғамдық қабылдау бөлмесі жұмыс жасайды. 2022 жылдың басынан бастап бекітілген кестеге сәйкес, партия аудандық филиалының атқарушы хатшылары, аудандық мәслихат депутаттары, аудан әкімі мен орынбасарлары, мекеме-ұйым басшылары қабылдаулары тұрақты түрде өткізуде. 2022 жылдың қорытындысы бойынша Меркі аудандық филиалына 280 өтініш түсіп, 145 (52%) оң шешім, 135(48%) түсініктеме берілді. Атап айтатын болсақ, Ақтоған ауылдық округінің тұрғыны Оңалбаева Айдын әкесі Оңалбаев Аманбектің денсаулығына байланысты қайырылып, аталған мәселе бойынша зерделеу жұмысын жүргізіп I-топтық мүгедекке шығарылды. Андас батыр ауылдық округінің 2, Кенес ауылдық округінің 1 тыл еңбеккерлері партия филиалына шипажайға демалыс бойынша қайырылып, нәтижесінде «Мейірім-Меркі» шипажайына 10 күнге тегін жолдама берілді. Т.Рысқұлов ауылдық округінде көпір құрылысының «СиньСинь» компаниясының уақытылы аяқталмауына байланысты, аудандық мәслихат депутаттары, ҚР Мәжіліс депутаты Г.Нұрымованың ықпалымен аталмаш нысан қыркүйек айында аяқталып, оң шешімін тапты.Тұрлыбай батыр ауылының тұрғыны дүниеден өткен баласының атындағы жерді заңдастыру мәселесі бойынша қайырылып, оң шешімін тапты.
Мобильді қоғамдық қабылдау жүйесі бойынша 10 қабылдау өтті. Мобильдік топтың негізгі мақсаты: Шалғай елді-мекендердегі тұратын тұрғындардың ой-пікірін білу, мұң-мұқтажын тыңдау, сонымен қатар дұрыс бағыт, бағдар беру. Мобильді топ құрамында аудандық мәслихат хатшысы, партия аудандық филиалының атқарушы хатшысы, аудандық мәслихат депутаттары және де аудан әкімшілігінің бөлім басшылары болды. Ағымдағы жылдың 30 мамырында “AMANAT” партиясы Жамбыл облыстық филиалының ұйымдастыруымен Кеңес және Сұрат ауылдық округтерінде облыстық мобильді қоғамдық қабылдауы өтті. Мобильді қоғамдық қабылдауда “AMANAT” партиясы Жамбыл облыстық филиалының Атқарушы хатшысының орынбасары, облыстық басқарма басшылары, облыстық мәслихат депутаты, аудандық мәслихат хатшысы, партияның Меркі аудандық филиалының Атқарушы хатшысы, аудан әкімшілігің бөлімдері қамтылды. Облыстық мобильді қоғамдық қабылдау барысында 37 азамат қайырылып, аталған мәселелер бойынша тиісті жұмыстар жүргізілді.
31 мамырда “AMANAT” партиясының республикалық мобильді қоғамдық қабылдауы Меркі ауданы Ақтоған ауылында өтті. Қабылдауға “AMANAT” партиясы республикалық қоғамдық қабылдау бөлмесі меңгерушісінің орынбасары А.Біржанов, партияның өңірлік филиалының атқарушы хатшысы Д.Бейсенқұлов, аудан әкімі Ж.Баубеков, облыстық мәслихат депутаттары, Саяси кеңес мүшелері және басқарма басшылары қатысты. Республикалық мобильді қоғамдық қабылдауында 34 азамат қайырылып, аталған мәселелер бойынша тиісті жұмыстар жүргізілді.
5 маусымда өткен жалпы ұлттық референдумда конституцияға енгізілген өзгерістер мен толықтырулар бойынша тұрғындар арасында үгіт-насихат жұмыстарын жүргізілді.
20 қарашада өткен ҚР Президентінің кезектен тыс сайлауында «AMANAT» партиясы Меркі аудандық филиалы және аудан әкімдігінің ішкі саясат бөлімі тарапынан арнайы 4 (төрт) кезеңнен тұратын желілік кесте әзірленіп, жұмыс жүргізілілді. Жалпы желілік кесте бойынша 244 іс-шара өткізілді. Сонымен қатар, сайлау күні партия тарапынан 41 сенімді өкіл және 82 байқаушы сайлау барысын бақылады. 41 сайлау учаскесін бақылау мақсатында, 7 капитан жұмыс жүргізді.
Әлеуметтік желілердегі жұмыс (медиа-жоспардың орындалуы) Аудандық филиалдың медиа-жоспарға сәйкес 2022 жылы тұрақты түрде партия аудандық филиалының әлеуметтік желілерінде facebook 890, instagram 890 ресми аккаунттарында жариялануда. Баспасөз ақпарат құралдарында-16 материал жарияланды.
Мемлекет басшысы айтқандай, қазіргі кезең – батыл шешімдер уақыты. Сондықтан партия қатарындағы әрбір азамат ел болашағы үшін нөмірі бірінші мәселе индустриалды – инновациялық даму, адами капиталдың өсуі мен қоғамдағы тұрақтылық сақтай отырып, жетекші партия ретінде өзіне жүктелген жауапкершіліктің барлық салмағын көтере отырып, уақыт сынақтарына мойымай, оны еңсеріп шығуға, қиындықтарға қарсы тұруға өз үлесін қосу жөніндегі нақты шараларды талдап жасауға өзінің күш – жігерін барынша топтастыруға ден қояды деген сенімдемін.
Баяндамалар бойынша «Аманат» партиясы Меркі аудандық филиалының және депутатық фракцияның 2022 жылы атқарған жұмыстарын назарға алу туралы қаулы қабылданды.
С.Нұрманұлы,
«Меркі Ақиқат»