Ұлттық спорт – көкпар жандануда

Алматы облысында өткен шағын көкпар турнирінен меркілік команда жеңімпаз атанып келді.
Шағын көкпар дегенді мен алғаш естідім. Дегенмен көкпардың JKL форматындағы турнир жылда Алматы қаласында өткізіледі екен. Көктебеде өткен шағын көкпар – JKL турниріне Меркі ауданынан «Меркі» командасы, Қарағанды, Алматы, Ұзынағаштан келген көкпаршылар қатысқан.
Дәстүрлі жарысты ұйымдастырушы Жастар лигасының президенті Данияр Даукей спортшыларға барлық қолайлы жағдай жасап, қомақты сый дайындаған. Байрақты сында 1-орынды «Меркі» командасы, 2 –Қарағанды, 3-орынды Алматылық көкпаршылар иеленді.
Аудан абыройын асқақтатқан «Меркі» командасының құрамында Әптиекбаев Ерсұлтан, Құлсариев Есіркеп, Жақсылықов Руслан, Төтенов Елдар тамаша ойын көрсетті.
Бүгін аудандық спорт және денешынықтыру бөлімінің басшысы Айваз Османов үлкен жеңіспен келген «Меркі» командасын қабылдап, жеңістерімен құттықтады. Бұл команданың мүшесі Әптиекбаев Ерсұлтан осы лигада «Үздік ойыншы» атанып, ел мерейін тағы бір көтерді.

«Меркі Ақиқат“