Алғысымыз шексіз!

«Ұстаздық еткен жалықпас, үйретуге балаға»,-  деп Абай атамыз дәл тауып айтқандай. Әрине,білім берген мекеменің де , білім беруші ұстаздың да арманы- өздері тәрбиелеген шәкірттерінің белгілі бір белеске шығып, өмірден өз орындарын табуларын тілейтіні анық.  Сол түлектер бірнеше жылдан кейін мектепке өз жетістіктерін көрсетіп , алғыс айта келсе қандай ғанибет десеңізші!№6 Жалпы білім беретін мектебінің   1999 жылғы бітірген  түлектеріміз мектебімізге өз сыйлықтарын тарту етті . Асыл азаматтардың  жасаған игі істері-кейінгілерге үлгі болары сөзсіз . Дәлірек айтсақ , салтанатты жиын өтетін ауламызға  ( брусчатка-қырланған кеспе тастар) орнатып берді.  Біз ол кісілерге мектеп атынан , жане « Жас ұлан»  балалар ұйымының атынан шексіз алғысымызды айтамыз. Жасалған істің саны емес, сапасы маңыздырақ . Сіздер жасаған істің пайдасы мол, себебі бұдан былай да әрбір  салатанатты жиындарымыз мәнді де сәнді болмақ . Және бүгінде біз оған куәміз.  Әрине айтпасада белгілі бұның бәрі -сіздердің белгігілі бірліктеріңіздің арқасы. Бірлік бар жерде тірлік бар . Нәтижесі айқын.

Білім алған мектептеріңізге сіздер алғыс айтсаңыздар , бүгінде  мектеп сіздерге алғыстарын білдіріп,ақ тілектерін жаудыруда. Сіздердің жетістіктеріңіз — ұстаздардың үмітінің ақталғаны . Мектеп үшін де , шәкірт үшін де бұл бағындырылған белес, зор мақтаныш деп нық сеніммен айта аламыз. Сіздерге мың алғыс!

                                            №6 ЖББМ-нің        

                    10 «А» оқушысы        

     Жексенбиева Диана Елікханқызы