Келісім-шарт жасалып, уағдаластық қант қызылшасын өсіруге серпін бергей

Жуырда Меркі қант зауытында жиналыс болып, биылғы тәтті түбірді өткізу бағасы, өткен жылы зауытқа өткізілген қызылшаның ақысын төлеу, тұқым, т.б. мәселелер кеңінен сөз болды. Басқосуға қатысқан диқандар, облыс әкімінің орынбасары Мұратхан Шүкеев, облыстық ауыл шаруашылығы басқармасының басшысы Берік Нығмашев, аудан әкімінің орынбасары Бақытхан Әбжапаров, еліміздегі қант зауыттарының бас директоры Тимур Мұратов және басқалар қатысып күн тәртібіндегі мәселелерге орай өз ойларын айтып, шаруашылықтар мен кәсіпорын арасында іскерлі байланыс орнатуға қатысты ұсыныс, пікірлерін білдірді.