DIGITAL QAZAQSTAN DAY — 2026 | ЦИФРЛАНДЫРУ КҮНІ

10 қараша күні Тараз қаласында цифрландыру және ақпараттық технологиялар қызметкерлерінің күніне орай Digital Qazaqstan Day – 2026 іс-шарасы өтті. Аталған іс-шара Жамбыл облысының IT қауымдастығы, білім беру ұйымдары, цифрлық сала өкілдері мен стартап-экожүйесін біріктірді.

Іс-шараның негізгі алаңы «Достық» үйінде ұйымдастырылған Digital Expo көрмесі болды. Қонақтар заманауи технологиялық шешімдермен, робототехникамен, дрондармен, VR технологияларымен, сондай-ақ Zhambyl Hub, Tomorrow School және стартап-командалардың жобаларымен танысты.

Пленарлық сессия аясында «Жамбыл облысының цифрлық коды: жасанды интеллект және өмір сапасы» тақырыбы талқыланды. Қатысушылар өңірдің цифрлық инфрақұрылымын дамыту, жасанды интеллектті енгізу, халыққа арналған цифрлық қызметтерді жетілдіру және білім беру саласындағы жаңа технологиялық мүмкіндіктер туралы пікір алмасты.