Сарымолдаев ауылдық округіндегі инфрақұрылымдық жобалардың орындалу барысы бақылауға алынды

Аудан әкімі Ербол Жиенқұлов Сарымолдаев ауылдық округін аралап, әлеуметтік және инфрақұрылымдық нысандарда атқарылып жатқан жұмыстардың барысымен танысты.
⠀
Жұмыс сапары аясында аудан әкімі Рычилов көшесіне жаңадан төселген асфальт жабындысының сапасын тексерді.
⠀
Сондай-ақ, Исмаилов көшесінде орналасқан екі қабатты көппәтерлі тұрғын үйлердің аумағын тексеріп, жауапты тұлғаларға абаттандыру мен санитарлық тазалық жұмыстарын тұрақты ұйымдастыру жөнінде тапсырмалар берілді.
⠀
Бұдан бөлек, О.Карбозов көшесіндегі балалар ойын алаңы мен шағын футбол алаңшасында жүргізіліп жатқан ағымдағы жөндеу жұмыстарының орындалу барысы қаралды.
⠀
Сонымен қатар, Исмалова көшесінде бой көтеріп жатқан жаңа сауда-ойын-сауық орталығының (ТРЦ) құрылысымен танысып, құрылыс жұмыстарының сапалы орындалуы және нысанды белгіленген мерзімде пайдалануға беру мәселелері басты назарға алынды.
⠀
Сапар қорытындысы бойынша жауапты сала мамандарына барлық жұмыстарды белгіленген мерзімде әрі сапалы орындау, сондай-ақ ауыл аумағындағы санитарлық тазалық пен абаттандыру жұмыстарын тұрақты бақылауда ұстау жөнінде нақты тапсырмалар жүктелді.