Өрт қауіпсіздігі мен тазалық мәселелері бойынша түсіндіру жұмыстары жүргізілді

Аудан әкімі Ербол Жиенқұлов Жамбыл ауылының тұрғындарымен кездесіп, өрт қауіпсіздігін сақтау және «Таза Қазақстан» республикалық экологиялық акциясы аясындағы тазалық жұмыстарын күшейту бағытында түсіндіру жұмыстарын жүргізді.
⠀
Кездесу барысында жаз мезгілінде өрт қауіпсіздігі талаптарын қатаң сақтау, құрғақ шөп пен қоқысты өртемеу, сондай-ақ елді мекеннің тазалығын қамтамасыз ету мәселелеріне ерекше назар аударылды. Аудан әкімі тұрғындарды қоршаған ортаға жауапкершілікпен қарап, тазалық мәдениетін қалыптастыруға және ауылдың көркеюіне белсенді үлес қосуға шақырды.
⠀
Сонымен қатар, ауылдағы ауыз су жүйесін жаңғырту жұмыстарының барысы зерделеніп, мердігер мекемелерге қазылған аумақтарды қалпына келтіру және абаттандыру жұмыстарын сапалы әрі белгіленген мерзімде аяқтау тапсырылды.