Театрдың ғажайып әлемі

Меркі аудандық білім бөлімінің қосымша білім беру мекемесі Оқушылар «Үміт» сарайының көпшілік бөлімінің ұйымдастыруымен аудан мектептерінің 5-11 сынып оқушылары арасында «Рухани жаңғыру» бағдарламасын жүзеге асыру аясында, әлемді эстетикалық және бейнелі тану факторы ретінде балалар мен жастардың театр шығармашылығын қолдау және тұлғаны үйлесімді дамыту өзін-өзі тануға қалыптастыру, сахна өнері арқылы жеткіншектерді өзіндік мәдениет пен әдепке баулу, жас өнерпаздардың жаңа театр ұжымдарын құруға ынталандыру мақсатында «Театрдың ғажайып әлемі» тақырыбында аудандық театр байқауы өткізілді.
Байқауға ауданның 15 мектебі қатысып,100 оқушы қамтылды.
Байқау барысында оқушылар өздерінің сахнаға бейімділігін, артистік қабілетін көркем көрсете білді. Оқушылар дайындаған қойылымдар музыкамен әсем көркемделіп, мазмұнды да қызықты болды.
Нәтижесінде: І орын — Ақкөз Қосанұлы атындағы №18 жалпы орта білім беретін тірек мектебі (ро) ІІ орын — №3 ЖОББМ және №5 ЖОББМГ ІІІ орын — №34, №21 ЖОББМ-ның жас актерлері иеленді.
Үздік өнер көрсеткен №21 ЖОББМ оқушысы Мусахан Бота «Үздік әйел адамның рөлі», №44 ЖОББМ оқушысы Хамиров Тамерлан «Үздік ер адам рөлі» номинациясын жеңіп алды.

Ә.Боранқұлова,
Оқушылар «Үміт» сарайының қосымша білім беру педагогы