Жұлдызды сәт

«Таңшолпан» бөбекжай-бақшасында жазғы сауықтыру кезеңіндегі жоспарға сай, «Жұлдызды сәт» интеллектуалды ойын-сауық ойыны өткізілді. Ересек жас топтарының тәрбиеленушілері қатысып, дипломдармен марапатталды. Бұл іс-шара балалардың өздігінен ойлау және танымдық қабілеттерін дамыту, білімге құштарлығын, белсенділіктерін арттыру, мақсатымен жүргізілді. Әрі, өз біліміне деген сенімділігін нығайту, өзін-өзі бағалай білуге, қиындықтарды жеңе білуге тәрбиелеу болды. Іс-шара өткізілген акті залы тақырыпқа сай безендіріліп, интерактивті тақта, магнитті тақта, бормен жазатын тақта, түрлі-түсті құм, керекті көрнекіліктің бәрі қойылды. Ортаға жүргізуші шығып, «Қазақстанды болашаққа білімді ұрпақ бастап барады, — деген Елбасымыздың сөзін алға қоя отырып, «Әрбір бала — бір жұлдыз, жарқырауына жәрдем ет» демекші, әрбір жұлдыз өмірден лайықты өз орнын таба білуі тиіс. Ендеше, көкте жұлдыз болып, жарқырауына сәттілік тілейік , — деп ойынды бастады. Интелектуалды ойын, үш кезеңнен тұрды. «Бәйге» сұрақ-жауап, «Ойлан тап» жануарлар, түстер, өсімдіктер, «Кім тапқыр», пішіндер әлемінен балалар жарысқа қызу кірісіп те кетті. Жарысқа «Бәйтерек» және «Астана» топтары қатысты. Алдымен, топ басшылары өздерін таныстырып өтті. Ұрандарын мәнерлеп бірге айтты. Балалар ойын шартына кәдімгі оқушылар сияқты түсініп, тапсырмаларды аспай-саспай орындай білді. Сұрақтардың ішінде «Біздің бөбекжай қалай аталады?», «Суға қай кезде түсуге болады?», «Бір аптада қанша күн?» деген сұрақтарға ойланбай жауап беріп жатты. Жарыс соңында Серікқали Айым «Айналайын, ақ мамам» әнін орындады. Іс-шара соңында әр балаға «Алғыр», «Дарын», «Үздік», «Тапқыр», «Білімді», «Шапшаң» номинациялары мен дипломдар берілді.

Ә.Боранқұлова
«Таңшолпан» балабақшасы.