Алтыншы шақырылған Меркі аудандық мәслихатының кезекті жетпісінші сессиясының ШЕШІМІ

Меркі ауылы                    №70-3              24 шілде 2020 жыл

Меркі ауылы                    №70-3              24 шілде 2020 жыл

«Меркі ауданының әкімі М.А. Өмірбектің

өзіне жүктелген функциялары мен

міндеттерін орындауы жөнінде

аудандық мәслихат депутаттарының алдындағы есебі туралы»

«Қазақстан Республикасындағы жергілікті мемлекеттік басқару және  өзін-өзі басқару  туралы» Қазақстан Респуб-
ликасының 2001 жылғы 23 қаңтардағы Заңының 6-бабының және Қазақстан Республикасы Президентінің 2006 жылғы 18 қаңтардағы №19 «Мәслихат алдында әкімдер есебін жүргізу туралы» Жарлығына сәйкес Меркі ауданының әкімі М.А. Өмірбектің өзіне жүктелген функциялары мен міндеттерін орындауы жөнінде Меркі аудандық мәслихат депутаттарының алдындағы есебін тыңдай келе қанағаттанарлық деген баға бере отырып, жарыс сөзде айтылған сын-ескертпелерді ескере отырып, аудандық мәслихат

ШЕШІМ ҚАБЫЛДАДЫ:

1. Меркі ауданының әкімі М.А.Өмірбектің өзіне жүктелген функциялары мен міндеттерін орындауы жөнінде Меркі аудандық мәслихат депутаттарының алдындағы есебі назарға алынсын.

2.   Аудан әкіміне ұсынылсын:

 1) Аудандық аурухана ғимаратының жекелеген бөлімшелерінің қүрделі жөндеу жұмыстарын облыс әкімдігінің денсаулық сақтау басқармасымен келісе отырып  жүргізсін;

2) Әр сала бойынша мемлекет тарапынан берілетін көмектер мен жеңілдіктерді халыққа кеңінен насихаттап, жұмыстар жүргізу;

3) «Жұмыспен қамту жол картасы», «Ауыл ел бесігі», «Нұрлы жол» және «Нұрлы жер» бағдарламалары аясында жүзеге асырылып жатқан құрылыс жұмыстары бекітілген мерзімдеріне сәйкес жүзеге асырылсын;

4) «Жұмыспен қамту жол картасы» бағдарламасына сәйкес жүргізіліп жатқан құрылыс жұмыстарына аудан тұрғандарын тарта отырып, жұмысшылар санын арттырсын;

5) Бұқаралық спортты дамыту мақсатында Меркі ауылдық округінен салынып жатқан спорт кешенінің құрылыс жұмыстарын сапалы жүргізілуін қадағалап және Сарымолдаев ауылындағы спорт кешенінің ЖСҚ-н сараптамадан өткізіп, қаржыландыруға ұсыну;

6) №12,44,48,11 ЖББМ –нің күрделі жөндеу және №8 ЖББМ –нің жаңа құрылыс жұмыстарының уақытылы аяқталуын қамтамасыз ету;

7) Жамбыл облысы тұрғындарының тұрмыстық жағдайын жақсарту мақсатында Сұрат ауылдық округінде жүзеге асырылып жатқан пилоттық жоба бойынша жұмыстарын жандандырсын;

8) Жеке тұрғын үй құрылысын жүргізу үшін берілетін жер телімдеріне инженерлік инфрақұрылым құрылысын жүргізуге ЖСҚ әзірлеу, дайын жобаларды сараптамадан өткізу, қаржыландыруға ұсыну, қаржыландырылған жобалардың құрылысын сапалы, уақытылы жүргізу;

9) Аудан тұрғындарын тұрақты жұмыспен қамту, кәсіппен айналысам деушілерге грант және несие беру жұмыс-
тарын ұйымдастыру;

10) Атаулы әлеуметтік көмек бойынша бөлінген қаражатты уақытылы игеру және кепілдендірілген әлеуметтік көмекті уақытылы беру;

11) Газ құбырына қосылмаған елді мекендер мен көшелерді газдандыру бойынша  жүйелі жұмыстар жүргізіп, ЖСҚ әзірлеу;

12) Жаңатоған ауылына жаңа трансформатор орнату мүмкіндігін қарастыру;

13) Аудан аумағындағы дәрі-дәрмек бағаларын қадағалау үшін мониторингтік топ жұмысын үйлестіру.

3. Осы шешімнің орындалуын бақылау Меркі аудандық мәслихаттың барлық тұрақты комиссияларына жүктелсін.

Аудандық мәслихат                              Аудандық мәслихат

сессиясының төрағасы                                       хатшысы

Б.Бектұрғанов                                               І.Ахметжанов