АСПАРА МЕН АҚЕРМЕНДЕ АУДАН ӘКІМІ ТҰРҒЫНДАРМЕН КЕЗДЕСТІ

Аудан әкімі Ербол Жиенқұлов Аспара және Ақермен ауылдарының халқымен жоспарлы кездесу өткізді. Жиын барысында аудан көлеміндегі әлеуметтік-экономикалық көрсеткіштердің орындалу барысына тоқталып, барлық салаларда тұрақты даму байқалатынын айтты.
⠀
Сондай-ақ аудан әкімі жүзеге асырылып жатқан жобалар мен алдағы кезеңге жоспарланған бастамалар туралы кеңінен ақпарат беріп, ауылдық аумақтарды дамыту бағытындағы жұмыстардың маңызын атап өтті.
⠀
Кездесу ашық диалог форматында өтіп, тұрғындар өздерін алаңдатқан өзекті мәселелерді ортаға салды. Аудан әкімі көтерілген әрбір сұраққа жеке тоқталып, оларды шешу жолдары кезең-кезеңімен жүзеге асырылатынын жеткізді.
⠀
Жиын соңында айтылған ұсыныстарды назарға алу және нақты мәселелерді бақылауда ұстау бойынша жауапты сала басшыларына тиісті тапсырмалар берілді.