Көктемде иммунитетті қалай көтеруге болады?

Көктем келісімен елді жылылығымен қуантады. Алайда, осы кезде ағза әлсіреп, қалжырайды. Тамаққа тәбет тартпай, ұйқы қанбай, адамның бойын мазасыздық билейді. Ештемеге зауқы соқпай, белсенділігі де төмендейді. Дәрігерлердің айтуынша, бұл ешқандай аурудың белгісі емес, иммунитеттің төмендеуінен екен.
Көктемде иммунитетті көтермес бұрын, ең алдымен, оның неге түсетінін анықтауымыз керек. Қыстыгүні түн ұзарып, күннің қысқа болатыны белгілі. Соған қарай адамда қимыл-қозғалыс белсендігі азаяды. Ондай кезде адам ағзасындағы қан айналымы төмендейді. Осындай қалыпта жүргенде, аяқасты қыстың суығынан көктемнің жылылығына өткенді организм көтере алмайды. Соның салдарынан адамда ұйқысыздық, әлсіздік, шаршау, терінің құрғауы мен тырнақтың сынғыштығы секілді белгілері пайда болады. Міне, осы кезде иммунитетті көтеру керек.
Ал ол үшін, ең алдымен, дұрыс тамақтану керек. Күнделікті рацион ет пен балық тағамдары, сүт өнімдері, көкөніс пен жеміс-жидектерден тұруы тиіс. Халықтың басым көпшілігінде дәрумен жетіспей жатады. Мысалы, Д дәрумені жетіспесе адам бойында ұйқышылдық пен әлсіздік пайда болады. Сондықтан әркім өзіне қажетті витаминдерді ішіп, спортпен айналысуы тиіс. Дәрумендерді ғана ішіп, дұрыс тамақтанбау не болмаса құнарлы тамақтана отырып, денешынықтырумен айналыспай қоюға тағы болмайды. Әрбір жан өз денсаулығымен толыққанды айналысуы тиіс. Сонда ғана оның иммундық жүйесін нығайып, саулығы арта түседі.
Сонымен қатар, иммунитетті көтеру үшін дәрігерлер жеті тәсілді кеңес етеді:
№ 1 Дене шынықтырумен айналысу – денсаулыққа бірінші қадам.
Серуендеуден бастаңыз. Жаяу жүру – дене шынықтырудың ішіндегі қолжетімдісі. Дүкеннен дүкенге ауа жұтып қана жүру есептелмейді. Асықпай серуендеңіз. Ойыңызды айналаға бөліп, әсем табиғат аясын тамашалаңыз.
№ 2 Жылдам жүру;
Ағзаға аздап күш түсірсеңіз, Сіздің дене қимылыңызға байланысты қан жүгіріп, ағзаңызға оттегі тарап, ағзадағы зат алмасу жылдамдап, тотығу-түзелу жаңаланып, көңіл-күйіңіз көтеріледі, яғни көңіл-күй жақсарса, иммунитет көтеріледі. Дене шынықтыруды жайлап бастау керек, бірден ағзаға көп күш салып, зорықтыруға болмайды, біртіндеп жүйелі түрде ағзаға түсетін күшті көбейтіп, ұлғайтып отыру керек. Мысалы, жылдам жүру, 1-күн 1 шақырым (жағдайыңызға қарай 500 метрден бастасаңыз да болады), содан кейін күнде қашықтықты қосып отырасыз. Қалалық жағдайда жұмысқа дейін немесе жұмыстан кейін бір-екі аялдама жылдам жаяу жүрсеңіз жеткілікті. Иммунитетті көтеру үшін таза ауада серуендеу емес, жылдам жүру пайдалы.
№ 3 Салқын сумен құйыну;
Иммунитетті көтерудің бұл түрін де ақырындап бастағаныңыз жөн, алдымен аяқтарыңыздан бастап салқын су құйыныңыз, сосын белден төмен қарай, сосын иықтан төмен қарай, ең соңында төбеден бастап салқын сумен құйыныңыз. Алғашында 1-2 рет құйынып, кейіннен көбейтіңіз. Иммунитетті көтеру үшін контрасті душ та болады, бұл біресе салқын, біресе ыстық сумен құйыну, бірақ ыстық-суық алшақтығын бірте-бірте 10-15 күн аралығында көбейтіңіз.
№ 4 Спортпен шұғылдану;
Фитнеске, биге қатысу иммунитетті көтерумен бірге тәніңіздің сұлулығын сақтауға және сұлулана түсуіне көп ықпалын тигізеді.
№ 5 Құнарлы ас ішу;
Тамақтану арқылы да нығайтуға болады. Ішетін тамағыңыз табиғи, дәрумендерге бай болуы қажет. Олар: жеміс-жидек, көкөністер, бал, ет.
Ал қанты көп тағамдарды және қуырылып дайындалған тағамдарды аз пайдаланғаныңыз жөн, өйткені ол тағамдарды қорытуға ағзадағы пайдалы заттар кетеді де, иммунитет әлсірейді. Иммунитетті көтеруге қышқыл сүт тағамдары, айран, йогурттар ас қорыту жолдарын пайдалы бактериялармен толықтырып, зор үлес қосады. Әрине, иммунитетіңіз сақталып, нығая түсу үшін іш қатудан сақтаныңыз.
№ 6 Пайдалы тұнбалар пайдаланыңыз;
Иммунитетті нығайту үшін әртүрлі шөптердің жапырақтары мен тамырларынан алынатын тұнбалар мен шырындар бар: Тамыр дәрі (женьщень) тұнбасы, қытай лимоншасы және лимон қосылған көк шәй, итмұрын шырыны. Пайдаланардан бұрын нұсқауларын оқыңыз, ағзаңызға жақпай қалуы мүмкін, абзалы дәрігерден кеңес алғаныңыз жөн.
№7 көңілді жүру, күлу;
Иммунитетіңіз мықты болсын десеңіз, барлық уақытта күліп, көңілді жүріңіз. Күлкі – иммунитетті көтерудің ең керемет әдісі.
Сен әлемге күлімдесең, әлем саған күлімдейді. Сондықтан «иммунитетім жоқ мен әлсіреп жүрмін» деген ойды өшіріп, иммунитетті өзіңіз қалыптастырыңыз. Ал табиғат Сізге қаншама иммунитет көтеруге мүмкіндік беріп отыр. Пайдаланыңыз.