«Ұлылықтың күн шуақты кеменгерлері» оқу мерекесі

Кітапханалардың жаңа бағытта жұмыс істеуі, пайдаланушылардың ақпараттық қажеттігін қанағаттандыруға, оқу сапасын көтеруге Меркі аудандық орталықтандырылған кітапханалар жүйесінің әдіскері Н.Шакарова 24 ауыл кітапханаларды 8 кітапханадан төрт топқа бөліп аудандық топтық байқау ұйымдастырды. «Ұлылықтың күн шуақты кеменгерлері» атты оқу мерекесі аясында «Жазба әдебиетінің майталманы» Ғ.Мұстафиннің -120 жылдығына орай әдеби алаң өтті. Жазушының өмірі мен шығармалары таныстырылды. «Шығанақ» романың басты кейіпкері Шығанақ Берсиев туралы бейнебаян көрсетіліп, көрініс қойылып, Берсиевшілер маршын сахналап әнмен кітапханашылар орындады. Кітап көрмені Жеміс жидек ауылдық кітапханасының кітапханашысы А.Рыспаева. «Майдангер жазушы» Д.Әбілевтің — 115 жылдығына орай поэтикалық марафон өтті. Кешті Андас ауылдық кітапханасының кітапханашысы Л.Бердибаева жүргізді. Проза жанрында жазылған «Сұлтанмахмұт» үш томдық трилогиясы С.Торайғыровтың өмір тарихына арналған. Осы шығарма бойынша көрініс қойылды. Көрініске Ақ жол ауылдық кітапханасының кітапханашысы М.Омарова, Сарымолдаев ауылдық кітапханасының кітапханашысы Г.Сенгербаева қатысты. Жазушының «Әке»,«Ана», «Ырзамын жүрегіме» өлеңдерін Тәтті ауылдық кітапханасының кітапханашысы Ж.Абдихаймова, Қызыл қыстақ ауылдық кітапханасының кітапханашысы Г.Айтбаева, Сыпатай ауылдық кітапханасының кітапханашысы Г.Абдыхалықова оқыды. «Көркем сөздің шебері» С.Шаймерденовтың -100 жылдығына жаңа кітап тұсау кесері өтті. Жазушының «Жұлынбаған қызғалдақ» әңгімесінен көрініс қойылды. С.Шаймерденовтың сөзіне жазылған «Дей салдым» әнін орындаған М.Омарова. Ақ жол, Андас, Аудандық аурухана, Жеміс жидек, Қызыл қыстақ, Сарымолдаев, Сыпатай, Тәтті ауылдық кітапханашылары ұйымдастырып өткізді.

Н.Шакарова,
Меркі аудандық орталықтандырылған кітапханалар жүйесінің әдіскері