Жақсылық жасап жарысайық

Жақсылық жасау үшін міндетті түрде бай, ақшасы көп адам болуыңыз қажет емес. Бастысы, сіздің тілек-ниетіңізде деп ойлаймын. Қазіргі уақытта қамқорлық пен қолдауға мұқтаж болған қайырымды адамдардан мейірімділік, алақандарынан жылулық сезімін күтетін жандарды күнделікті өмірде жиі кездестіреміз. Бүгін сол қамқорлыққа мұқтаж болған жандарға «Жастар ресурстық орталығы» КММ-нің ұйымдастыруымен Меркі ауданының кәсіпкерлерінің қолдауларымен «MERKI ERIKTILERI» волонтерлер тобының қатысуымен «Қайырымдылық – адам жанының нұры» атты акциясы өткізілді.
Аталған акция барысында Меркі ауданының бас имамы — Азамат Әбдіразақ сөз сөйлеп аудан жастарының игі істеріне алғысын білдірді. Келесі болып «Орталықтандырылған кітапханалар» жүйелерінің директоры — Жанат Сүйімқұлова, «Жастар ресурстық орталығы» КММ-нің директорының орынбасары – Нұрбол Султаналиев ашылу салтанатында сөз сөйлеп, ізгі тілектерін айта кетті. Осы акция аясында «Жастар ресурстық орталығы» мекемесінің қызметкерлері, аудандық «MERKI ERIKTILERI» волонтерлер қозғалысының мүшелері тарапынан Жамбыл, Меркі, Ойтал, Жаңатоған, Сарымолдаев ауылдық округтеріндегі көпбалалы және аз қамтылған отбасыларға азық-түлікпен қамтамасыз етіліп, Сұрат, Тәтті, Ақермен, Аспара, Ақтоған ауылдық округтеріндегі жалғызілікті қарт кісілерге үй шаруасына көмек көрсетілді.
«Не ексең соны орасың» дегендей бір жақсылық жасағанымыз мың жақсылық болып келетінін ұмытпайық. Жақсылық жасаудан жалықпайық.

Мейіржан Оспанқұл,
Меркі ауылдық округінің жастар ісі жөніндегі инспекторы