Жаңашыл істердің бастаушысы

Ауданымызда Қазақстан Республикасында сайлау туралы Заңына сәйкес Сарымолдаев ауылдық округі әкімі лауазымына сайлау жүруде. Мен кандидаттығын өзін-өзі ұсынып отырған Балтабай Ербол Ерсінұлын қолдаймын. Ол жас, жалыны тасып тұрған, білімі, жетекшілік қасиеті мен тәжірибесі мол азамат. Ол өзінің алдағы қойған жұмыс жоспарына аудан жастарымен тығыз жұмыс жасап, «Іскер» бағдарламасын іске асыруды қолға алып отыр. Бұл аудан аумағында жұмыссыздарды азайтып, кәсіпкерлер қатарын арттыруға септігін тигізері анық.

«ІСКЕР» бағдарламасы аясында тоқсан сайын ешбір несиесіз 21 кәсіпкерді қатарға қосуды іске асыруды қолға алып отыр. Ол аудан, облыс, республика, халықаралық деңгейге танытуға турарлық нақ осы округ ішіндегі шебер, іскер адамдардың өнімін, сұранысқа сай тұтынушыларға ұсынып, нәтижесінде өндіріс пен өткеруді арттыруға әрекет етпекші. Сонымен қатар, Ербол Ерсінұлы тұрғын үй-коммуналдық шаруашылық, денсаулық сақтау және білім беру салаларындағы халыққа сапалы мемлекеттік қызмет көрсетуді бақылап, ауылдық аймақтарда жолдың сапалы салынуын, көгілдір отынмен қамтамасыз етуге бастаушы болмақ.
Пайдасыз, бос жатқан, игерілмей жатқан егістік пен жайылым жерлерді мемлекеттік органдармен бірлесе отырып ІСКЕРЛЕРГЕ беру жолдарын қарастырып, жайылым жерлерді арттырып, ауылшаруашығын дамытуға күш салмақшы.
Ербол Ерсінұлы ауданның экономикасын көтеруге өз септігін тигізіп, кәсіпкерлікті дамытуда. Ол бірнеше тамақтану, демалу, білім беру орталықтарын тұрғызып, олар халық үшін қызмет етуде. Жүздеген адамдар осының арқасында жұмыспен де қамтылып отырған жәйі бар. Сонымен қатар, ол көпбалалы отбасының отағасы. Мейірбан әке. Өскелең ұрпақтың сапалы білім алып, өнегелі болып өсуіне үлкен жауапкершілікпен қарайтын азамат.
Ол заңгер мамандығын игеріп, мемлекеттік қызметте көптеген жылдар істеп, біліктілігін арттырған. Әкесі Ерсін де аудан үшін табысты қызмет етіп, ел алғысына бөленген жан.
Барлық аудан тұрғындарын қолынан іс келетін Балтабай Ербол Ерсінұлына дауыс беруге шақырамын. Ол Сіз бен Біздің артып отырған сенімімізді ақтайды деп сенемін. 20-ақпан күні сайлауға келіп, Ерболға қолдау көрсетіңіздер, дауыс берсеңіздер, өкінбейсіз.

Данат Бейсенбаев,
Үміткердің сенімді өкіл