Көңіл тасар асар

Халқымыз ежелден өзгеге көмек қолын созуды, қолда барымен бөлісуді өзіне парыз санаған. Қазіргі кезде өңірде бұл «Асарлатып үй салу» жобасына ұласып, өз жемісін беруде. Бұл бастаманы облыс басшысы Бердібек Машбекұлы Сапарбаев қолға алып, игі дәстүр өңіріміздің әр ауылында жүзеге асып келеді.

Міне, бүгін Қазақстан Республикасының Тәуелсіздігіміздің 30 жылдығына Меркі ауылдық округінде “Асарлатып үй салу” жобасы аясында Шойынбаев Нұрғазының отбасына баспана салтанатты түрде табысталды.
Айтулы шараға аудан әкімінің орынбасары Бегалиев Берік Дүйсенбайұлы қатысып ауыл тұрғындарын Тәуелсіздігіміздің 30 жылдық мерекесімен құттықтап, аудандағы «Асар» жобасы аясында атқарылып жатқан игі істерді атап өтті.
Сөз алған Меркі ауылдық округінің ақсақалы Жұмалыұлы Қазихан ақсақал: «Нұрғазы балам. Жаңа отбасың құтты болсын. Сенің жанашырың, қорғайтын, қолдайтын елің бар екенін ұмытпа. Аудан әкімі және ауыл әкіміне алғысымыз шексіз. Осы үй сендерге құт болсын»- деп алғысын білдіріп, ауыл тұрғындарын мерекемен құттықтады.
Сонымен қатар Меркі ауылдық округ әкімі Ғазиз Байарыстан тілек білдіріп, өз сөзінде: — Бүгінгі ұлық мерекеміз Тәуелсіздігіміздің 30 жылдығы қарсаңында, ауылымыздағы көп балалы отбасына сый жасап отырмыз, игіліктеріңе жарасын, жаңа жылда жаңа үйде жақсы қарсы алыңыздар»-деді.
Әрмен қарай салтанатты шарада жаңа үйдің алқызыл лентасы қиылып, ауыл тұрғындары үй иесімен ықылас ниеттерімен бөлісті.
Суретте: Меркі ауылдық округінің ақсақалы Жұмалыұлы Қазихан сөз сөйлеуде.

САРЫМОЛДАЕВ АУЫЛДЫҚ ОКРУГІНДЕ АСАРЛАТЫП САЛЫНҒАН ҮЙ БЕРІЛДІ

Сол сияқты Қазақстан Республикасының Тәуелсіздігіміздің 30 жылдығына орай Сарымолдаев ауылдық округінде Шукуралиевтер отбасына асарлатып салынған жаңа үй, пайдалануға берілді.
Салтанатты шараға жиналғандарды аудан әкімінің орынбасары Бегалиев Берік Дүйсенбайұлы ауыл тұрғындарына ризалығын білдіріп, ауыл азаматтарының бірігіп, бірлік пен ынтымақтың жарқын үлгісін көрсетіп, баспананы салып беруге үлес қосқаны үшін алғысын айтып, Тәуелсіздік мерекесімен құттықтады.

А.Советхан, суреттерді түсірген Е. Жасыбай,
Аудан әкімдігінің баспасөз қызметі