Ұстазыма мың алғыс

Біз Бауыржан атамыздың ұлы педагог екенін білеміз бе?!Бауыржан атамыздың нағыз педагог екендігіне мына әңгіме дәлел. Бірде шәкірті Мамытбек Қалдыбай атадан былай деп сұрайды.

-Ұстазың бар ма?

-Ия, бар,-деп жауап береді. -Тарихтан, домбырадан, әдебиеттен сабақ беретіндерді кімдер дейміз?!

-Әрине, ұстаз дейміз! -Жоқ,оларды ұстаздар емес, үйретушілер дейсің. Ұстаз дәріс оқыған пәнін,не істеп жүрген жұмысын ғана үйретпейді. Ол шәкіртінің келешегіне үлкен іргетас қа-
лайды, өмір сүрудің бірінші шарты-адамдармен дұ-рыс қарым-қатынас жасау-
ға баулиды.Ұстаз деген сөз,түсінген адамға,өмірдің тұтқасы деген сөз. Ал өмірдің тұтқасы болу оңай ма? Шәкірттеріне өмірдің ой-шұңқырын,ненің жақсы, ненің жаман екенін,сүрініп, құламаудың сырын, бәрін қалдырмай үйрететін адамды ұстаз дейді.Бүгін менен ұстазың кім деп сұраса, қос қолымды көтеріп, зор мақтанышпен Айнаева Фаузия апайымды айтар едім.Фаузия апайымның бірден бір ерешелігі, ол біздің мінезіміздің кемшін тұстарын тауып,бағыт-бағдар беріп отырады. Ал артық тұстарымызды сынап, жақсылыққа,келешекке жол ашуына ықпалын тигізеді. Өмірдің не екенін, қандай жолмен жүріп,қандай жолмен жүрмеуді үйретеді, айналаңа қамқор болуға баулиды.  Бұл ұстазымның бір қыры.

Өзі математика пәнінің мұғалімі болғанымен жылына бір рет батыр Бауыржан атамызға,жерлесіміз Төленді Мұстафинға арнап ашық сабақ өткізіп, біздің бойымыздағы патриоттықты, еліне,жеріне деген сүйіспеншілікті арттырып, рухымызды биіктетіп отырады. Бұл ұстазымның мен білетін екінші қыры.

Қоңыр,әдемі даусымен сабақ бергенде, математика әлеміне кіріп кеткендей боласың. Құдды бір математика тілімен сөйлеп тұрғандай. Бұл ұстазымның үшінші қыры.

Ұстазым ер азаматтарға үлкен сенім артады. «Сендер біздің мемлекетіміздің тұтқасысыңдар. Білім мен еңбекті қатар  алып жүрген жерде береке мен құт орнайды.»,-деген сөздерді
жиі айтып, тиянақты білім мен өнегелі тәрбие беруде өзі ұстанған жолына берік жан.

Құрметті,Айнаева Фаузия апай, сізді келе жатқан ұстаздар күнімен құттықтаймын. Бізді білім нәрімен сусындатып келе жатқаныңызға мың да бір алғыс. Сізден білгенімізден білеріміз көп екеніне сенемін.

                                         Ақберді Нағашыбекұлы,                                       

  №39 Темірбек Қожакеев атындағы ЖББМГ 6 «Ә» сынып оқушысы