Сапалы тұқым – мол өнім кепілі

Меркі ауданында аудан әкімі Жорабек Баубековтыңі тапсырмасына сәйкес шаруалар тұқымдарын зертханадан өткізіп, жерге себуде. Аудан әкімі тұқым тексеруден өтіп, өнімділігі мол, жоғары сұрыпты тұқым егілмегенше, өнім артпайтынын айтқан болатын. Бүгінгі таңда барлық себілетін дән «Тұқым зерттеу» лабораториясынан тексеруден өтуде.
Көктемгі дала жұмыстарына аудан шаруалары белсенділік танытып, ауа райының қолайлығын пайдаланып, қызу жұмыстар жүргізуде.
Осы орайда аудан әкімінің орынбасары Бақытхан Абжапаров Ақтоған ауылдық округі шаруаларының жұмысымен танысты.
Жалпы ауданда көктемгі дала жұмыстарына 513 трактор, 78 соқа, 92 дән сепкіш, 10 дана тұқым дәрілейтін техника жұмылдырылған. Қазіргі таңда жоспарланған 29750 га арпаның 20174 гектары егіліп үлгерген.

Ақтоған ауылдық округі тау бөктерінде орналасқандықтан суармалы жері мол, егінге өте қолайлы. Шаруалар бірлесе кооператив құрып, егіс жұмыстарын жүргізуде. Бұл округте 85 қожалық шаруасын дөңгелетсе, бүгінгі таңда 1000 га күздік бидай, 200 га жоңышқа, 2150 га арпа, 100 га мақсары егілген. Сонымен қатар, 10 гектар жерге тәтті түбірді орналастыру жоспарланыпты.
Аудан әкімінің орынбасары Бақытхан Абжапаров Ақтоған осы округтегі «Дот» шаруа қожалығының тыныс-тіршілігімен танысты. Шаруашылық төрағасы Тасқын Аташев үш шаруақожалығымен бірігіп, 1550-160 гектар жерге жаздық арпа егіп жатқанын айтты. «Бәйшешек» сұрыпты арпа зертханадан тексеріліп, 97 пайыз өнімділікті көрсеткен. «Дот» шаруа қожалығы көктемгі жұмыстарына тыңғылықты дайындалған. «ҚазАгроФинанс Қаржы» арқылы 21 миллион теңгеге Уоtо 23 04 тракторын алса, аграрлық корпорация арқылы қосалқы құрылғылар дән сепкіш, соқа секілді техникаларын сатып алған.

Аудан әкімдігінің баспасөз қызметі