Сайлауалды штабтың кеңейтілген отырысы өтті

0
121

🔰Аудан әкімдігінің мәжіліс залында аудан әкімі Жорабек Нұрмергенұлының төрағалығымен сайлауалды штабтың кеңейтілген отырысы өтті.

🔰Жиынды аудан әкімі бастап, алдымыздағы саяси науқанның маңыздылығына тоқталды. Ауылдық округ әкімдеріне сайлауға халықтың қатысуын, қолайлы жағдай жасалуын қатаң бақылауға алуын тапсырды.

🔰 Аталған жиында аудан әкімдігінің аппарат басшысы Амангелді Нәметқұлов аудан аумағындағы сайлауға дайындық барысы, ұйымдастыру жұмыстарына тоқталды.

🔰Сонымен қатар, орталық сайлау комиссиясының төрағасы Шорман Абылқасымов сөз сөйлеп, сайлау комиссиялары мүшелерінің дайындығы, сайлау учаскелерінің материалдық жабдықталуына тоқталды.

🔰Жалпы ауданда Ауданда 1 аумақтық, 41 учаскелік және Жамбыл облыстық мәслихат депутаттарын сайлау бойынша №13 округтік, Меркі аудандық мәслихат депутаттарын сайлау бойынша 15 аудандық сайлау округтері құрылған.

🔰 Жиында аудандық ішкі саясат бөлімінің бастығы Абылай Ахметжанов 19-наурыз сайлау күні мәдениет, білім және спорт бөлімдері тарапынан атқарылатын жұмыстарға тоқталды.

🔰Ол сайлауалды 133 іс шара жоспарланып, 125 орындалғаны, әлеуметтік желілер мен БАҚ беттерінде тұрақты мақалдар, посттар жарияланғаны, сайлау күні мәдени-спорттық іс-шаралар өтетіндігі туралы баяндады.

🔰 Аудан әкімі барлық қызметкерлерге сайлау күні тек алгоритмге сәйкес әрекет етіп, әділдік, ашықтық қағидатымен жұмыс жасап, барынша аудан тұрғындарын сайлауға қамтылуын, азаматтық таңдауын жасауға шақыру керектігін айтты.

Comments are closed.