Әлемді кітап арқылы танимын

Жуырда аудандық орталық кітапханада аудандық балалар кітапханасының ұйымдастыруымен «Әлемді кітап арқылы танимын» атты белгілі жазушы Пернебай Дүйенбиннің  шығармашылығына арналған байқау өтті. Елбасы Н.Назарбаевтың  «Болашаққа бағдар: рухани жаңғыру бағдарламасы аясында өткен байқауға аудан мектептерінен кітапхананың жас оқырмандары қатысып, өздерінің білімдерін бір таға салды. Байқаудың негізгі мақсаты жазушы Пернебай Дүйсенбиннің баларға арналған сан алуан тақырыптағы танымдық-тәрбиелік туындылары арқылы балалардың қазақ тілі мен әдебиетіне, мәдениетіне деген ықыласын арттыру, көркемсөз оқу шеберлігін, тіл мәдениет жетілдіру, кітапқа деген қызығушылықтарын арттыру. Тартысты да қызықты өткен бауқауды әділқазылар алқаның мүшелері аудандық мәдениет және тңлдерді дамыту бөлімінің бас маманы Дамира Жамбаева мен орталық кітапханалар жүйесі директорының орынбасары Айман Бүркітбаева бағалап, №48 ЖББМ-нің 4 сынып оқушысы Мерайым Есіркеп, №9 ЖББМ-нің 9 сынып оқушысы Диана Жақсылық облыстық байқауға жолдама алды.

Аудандық орталықтандырылған кітапханалар жүйесінің директоры Жанат Сүйімқұлова I-II-III – орын алған жеңімпаздарды және қатысушыларды диплом, алғыс хаттармен және кітапхана тарапынан сыйлықтармен марапатталды.